فنان مصري يكتب وصيته على الفيس بوك بعد دخوله الرعاية المركزة.. ما القصة؟


ترك الفنان المصري تامر ضيائي، وصيته عبر حسابه الشخصي على “فيسبوك”، وذلك بعد أيام من دخوله الرعاية المركزة، إثر مشاكل بالقلب، وعمل قسطرة وتركيب دعامات، لذا فاجأ عائلته وأصدقاءه بالوسط الفني، بوصية طويلة، في رسالة إنسانية مؤثرة.

تفاصيل وصية تامر ضيائي

وكتب تامر ضيائي، “بوست وصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأني محتاج حاجات معينة تتعمل وحاجات خايف تتعمل، وأنا مش عايز حد يعملها لمجرد إنها معروفة، ووقتها طبعاً مش هعرف أقولها لحد”.

واستعرض تفاصيل الوصية، بقوله: “صلاة الجنازة أهم من العزاء، وهي إللي كل ما العدد زاد كل ما ثوابي ما كان أكتر، فأرجوكم تصلوا عليا.. مش شرط تيجي العزاء وياريت لو اتعمل في البيت أو مكان بسيط بفلوسه تطلعولي صدقة جارية أفضل.. من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دي بالذات بلاش وادعولي الوقت إللي هتقروا فيه جزء فضوا نفسكم واقعدوا ادعوا فيه”.

لا داعي لصدقة جارية تقليدية وسهلة

وتابع: “بلاش صدقة جارية تقليدية وسهلة، ومش مستفاد بيها، يعني المصاحف كتير في مصر أوي وكل بيت فيه كتير، فممكن نحط الفلوس في جامع بيتبني أو كرسي متحرك في مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة.. دي نقطة مهمة أوي بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور إللي عندهم ومفيش حاجه بتقول إن العياط معناه عدم رضا بقضاء ربنا.. وأبيضت عيناه من الحزن فهو كظيم”.
وأضاف الفنان تامر ضيائي، قائلاً: “أهم حاجة تاني هي الدعاء وبس والصدقة.. من فضلكم تكثفوا الدعاء وقت نزول القبر وتتصدقوا بأي حاجه بنية إن ربنا يجعل قبري روضة من رياض الجنة ويثبتني عند السؤال، لأن ده أهم وقت ليا وياريت كمان بعد ما تدفنوني تقعدوا معايا شوية ومتستعجلوش تمشوا عشان تونسوني فى ليلة زي دي.. الموت علينا كلنا حق وإحنا كلنا أمانات ربنا وهيردنا تاني، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تاني.. إللي بيحبوني يدعولي كتير عشان لو مفيش حد يدعيلي.. ودي مهمة أوي أوي أوي، عاوز الكل يسامحني على أي حاجة عملتها فيه بقصد لو بدون قصد”.

دخول تامر ضيائي العناية المركزة

وكان الفنان تامر ضيائي، قد أُصيبت نهاية شهر أبريل، لوعكة صحية مفاجئة، دخل على أثرها العناية المركزة، حيث حرص على توجيه الشكر لكل من سانده في تلك المحنة الصحية، في مقدمتهم أسرته، قائلاً: “الشدة بتبين الصديق الحقيقي من الصديق التيك أواي.. أنا مريت في الأيام القليلة إللي فاتت بأزمة قلبية أدت لدخولي الرعاية المركزة وعمل قسطرة وتركيب دعامة، والحمد لله مرت على خير”.
يُذكر أن تامر ضيائي، شارك في موسم دراما رمضان الماضي، من خلال مسلسل “فراولة” بطولة الفنانة نيللي كريم، وسبق وشارك في عشرات المسلسلات والأفلام، منها مسلسل “عملة نادرة”، و”إلا أنا”، و”قصر النيل”، و”النهاية” بطولة يوسف الشريف، و”زلزال” مع محمد رمضان، و”بركة” مع عمرو سعد، و”رسايل” مع مي عزالدين، و”هربانة منها” مع ياسمين عبدالعزيز وغيرها.

لمشاهدة أجمل صور المشاهير زوروا «إنستغرام سيدتي».

وللاطلاع على فيديوغراف المشاهير زوروا «تيك توك سيدتي».

ويمكنكم متابعة آخر أخبار النجوم عبر «تويتر» «سيدتي فن».





Source link

Leave A Reply

Your email address will not be published.